Електрон ҳужжатлаштириш тизими йўлга қўйилмоқда
Бугун Техник жиҳатдан тартибга солиш соҳасида назорат инспексиясида Ички ишлар вазирлиги Ҳуқуқий статистика ва тезкор-ҳисоб маълумотлар бош маркази вакиллари иштирокида семинар ташкил этилди.
Тадбирда соҳага замонавий технологияларни жорий этиш, назорат инспексияси инспекторлари томонидан маъмурий баённомаларни электрон шаклда расмийлаштириш жараёнларини такомиллаштириш масалалари муҳокама қилинди.
Семинарда соҳа мутахассислари томонидан электрон тизим орқали маъмурий ҳуқуқбузарликларни қайд этиш тартиби, маълумотларни ягона базага киритиш ва жараённинг шаффофлигини ошириш борасида батафсил тушунтиришлар берилди.
Мазкур янгилик ҳуқуқбузарликлар бўйича тезкор маълумот алмашиш, ҳужжатлар расмийлаштириш жараёнини автоматлаштириш ҳамда инсон омилини камайтириш имконини беради.
Тадбир якунида семинар иштирокчилари томонидан соҳага янги ахборот технологияларини кенг жорий этиш бўйича тавсиялар берилиб, инспекторларнинг малакасини ошириш ва тизимни такомиллаштириш юзасидан фикр алмашилди.
Техник жиҳатдан тартибга солиш соҳасида назорат инспексияси
Матбуот хизмати
