Ҳуқуқбузарликлар профилактикаси бўлинмаларига замонавий ахборот технологиялари татбиқ этилади
Ўзбекистон Республикаси Президентининг 2021 йил 26 мартдаги ПФ-6196-сон Фармонига асосан Ҳуқуқбузарликлар профилактикаси бўлинмалари фаолиятига унинг самарадорлигини ошириш ва ортиқча хизмат юкламасини қисқартиришга йўналтирилган замонавий ахборот технологиялари татбиқ этилади.
Хусусан:
- «E-inspektor» электрон комплекс тизимини татбиқ этиш орқали ҳуқуқбузарликлар профилактикаси бўлинмаларида иш юритувни мақбуллаштирилади
- профилактик ҳисобдаги шахслар билан ишлаш бўйича электрон ахборот тизимини ишлаб чиқилади
- маъмурий ҳуқуқбузарликлар тўғрисидаги ишларни кўриб чиқиш бўйича «Е-ma’muriy ish» ягона электрон ҳужжат алмашинуви тизимини яратилади
- маҳаллаларда жиноятларни муҳокама қилиш жараёнларини масофадан туриб назорат қилиш бўйича электрон модул татбиқ этилади
- «E-hisobot» ахборот тизимини яратиш орқали профилактика хизматида ҳисоботларни унификация қилинади ва уни бошқа ташкилотларнинг ҳисобот юритилади, идоравий ахборот тизимлари билан ўзаро интеграция қилинади.
