Haydovchilik guvohnomasini talab qilish amaliyoti bekor qilinadi
“Ichki ishlar organlari faoliyatiga zamonaviy axborot texnologiyalarini keng joriy etish chora-tadbirlari toʼgʼrisida” Vazirlar Mahkamasining 15.10.2021 yildagi 645-son qarori qabul qilindi.
2022 yil 1 martdan boshlab:
quyidagi xizmatlar Oʼzbekiston Respublikasi Yagona interaktiv davlat xizmatlari portali orqali elektron shaklda koʼrsatiladi:
- Oʼzbekiston Respublikasiga chet davlat fuqarosini taklif qilish;
- chet davlat hududida Oʼzbekiston Respublikasi fuqaroligini tasdiqlash boʼyicha tegishli hujjatlar va maʼlumotnomalar olish;
- sudlanganlik (sudlanmaganlik) haqidagi maʼlumotlar olish;
- avtotransport vositalarida taqiq mavjudligini tekshirish;
- jazoni ijro etish muassasalari va manzil koloniyalarda saqlanayotganlarni ularning yaqin qarindoshlari bilan uchrashuv vaqtini belgilash.
- haydovchining yoʼl-patrul xizmati inspektoriga taqdim etilishi lozim boʼlgan hujjatlari yonida boʼlmagan taqdirda mazkur hujjatlar maxsus planshet qurilmasi yordamida identifikatsiya ID-kartasi orqali tekshiriladi.
Bunda, identifikatsiya ID-kartaga ega fuqarolarga tegishli transport vositasi haydovchisidan
- yangi namunadagi haydovchilik guvohnomasi;
- transport vositasini roʼyxatdan oʼtkazganlik toʼgʼrisidagi;
- transport vositasiga egalik qilish;
- egasi yoʼqligida undan foydalanish yoki uni tasarruf etish huquqini tasdiqlovchi hujjatlar;
- transport vositalari egalarining fuqarolik javobgarligini majburiy sugʼurta qilish boʼyicha sugʼurta polisini talab qilish amaliyoti bekor qilinadi.
